ស្វែងយល់ពីផ្កាប្រចាំជាតិរបស់បណ្ដាប្រទេសដែលស្ថិតនៅក្នុងសមាគមប្រជាជាតិអាស៊ាន។ ចង់ដឹងថា ប្រទេសនីមួយៗមានផ្កាប្រចាំជាតិឈ្មោះអ្វីស្រស់ស្អាតបែបណា ហើយផ្កានីមួយៗ មានអត្ថន័យយ៉ាងណាខ្លះនោះ សូមអញ្ជើញតាមដានអត្ថបទខាងក្រោមទាំងអស់គ្នា!
ផ្កា «ស៊ីម-ភ» (Dillenia Suffruticosa) ជាប្រភេទផ្ការបស់ឈើម្យ៉ាងដែលមានស្លឹកធំៗ។ ផ្កានេះមាន ពណ៌លឿងឆ្អិនឆ្អៅ។ គេអាចឃើញរូបផ្កានេះនៅលើក្រដាសប្រាក់១ដុល្លាររបស់ប្រ៊ុយណេ និងវត្ថុ សិល្បៈផ្សេងៗ ដែលរចនាដោយវិចិត្រករប្រ៊ុយណេផងដែរ។
ប្រទេសកម្ពុជា
ផ្ការំដួល |
«ផ្ការំដួល» (Mitrella Mesnyi) ជាផ្កាខ្លួនតូចពណ៌លឿងស្រាល មានសន្លឹកតែមួយជាន់ប៉ុណ្ណោះ។ ផ្កានេះមានក្លិនក្រអូប ជាពិសេសនៅពេលល្ងាច។ ដោយសារភាពទាក់ទាញនេះ ចាស់បុរាណខ្មែរ តែងតែប្រដូចស្រីក្រមុំមកផ្ការំដួល ថាមានក្លិនក្រអូប និងរូបរាងស្រស់ស្អាត។ ដើមរំដួលមានកម្ពស់ ពី៨ទៅ១២ម៉ែត្រ ហើយអាចរកមើលបាននៅតាមសួនច្បារមួយចំនួនក្នុងប្រទេសកម្ពុជា។
ប្រទេសឥណ្ឌូនេស៊ី
Moon Orchid |
«ផ្កាអ័រគីដេព្រះចន្ទ» ឬជាភាសាឥណ្ឌូនេស៊ីហៅថា Angrek bulan (PhalaenopsisAmabilis) គឺជា ផ្កាប្រចាំជាតិមួយក្នុងចំណោមផ្កាប្រចាំជាតិទាំង៣របស់ឥណ្ឌូនេស៊ី។ ផ្កាអ័រគីដេព្រះចន្ទគឺជាពូជ ផ្កាអ័រគីដេដែលរីកបានយូរបំផុត។ ជាធម្មតា ផ្កានេះរីកពី២ខែ ទៅ៦ខែ ហើយក្រោយមកក៏រោយ ទៅវិញ។ ដោយសារតែវាដាំដុះបានល្អនៅក្នុងបរិយាកាសដែលមានសំណើម ទើបគេឃើញផ្កានេះ នៅតំបន់ភាគខាងក្រោមរបស់ឥណ្ឌូនេស៊ីច្រើនជាងតំបន់ផ្សេងទៀត។
ប្រទេសលាវ
ផ្កាចំប៉ី |
«ផ្កាចំប៉ី» (Plumeria) នៅប្រទេសឡាវ គេហៅផ្កានេះថាផ្កាចំប៉ា។ ផ្កានេះមិនត្រឹមតែជាផ្កាប្រចាំ ជាតិនោះទេ វាក៏ជារូបតំណាងរបស់ប្រទេសលាវផងដែរ។ ផ្កាចំប៉ាមានក្លិនក្រអូប និងមានច្រើន ពណ៌ដូចជា ពណ៌ក្រហមពណ៌លឿង ពណ៌ផ្កាឈូក និងពណ៌ផ្សេងទៀត។ សម្រាប់ប្រជាជនឡាវ ផ្កានេះតំណាងឱ្យភាពស្មោះត្រង់ និងសេចក្ដីរីករាយសម្បូរសប្បាយនៅក្នុងជីវិតរបស់ពួកគេ។ គេ ច្រើនយកផ្កានេះទៅតុបតែងក្នុងពិធីផ្សេងៗឬក៏យកវាទៅបិទភ្ជាប់នឹងកន្លាស់អាវជូនដល់ភ្ញៀវក្នុងពិធី។
ប្រទេសម៉ាឡេស៊ី
ផ្ការំយោល |
«ផ្ការំយោល» (Hibiscus Rosa-Sinensis) ក្លាយជាផ្កាប្រចាំជាតិរបស់ប្រទេសម៉ាឡេស៊ីនៅឆ្នាំ ១៩៦០។ ត្របកទាំងប្រាំរបស់ផ្កានេះ ត្រូវបានគេប្រដូចទៅនឹងទស្សនវិទ្យារបស់ប្រទេសម៉ាឡេស៊ី ដែលចង់ពង្រឹងសាមគ្គីភាពជាតិរបស់ខ្លួន។ ផ្ការំយោលនេះអាចរកស្ទើរតែនៅគ្រប់កន្លែងនៅទូទាំង ប្រទេសម៉ាឡេស៊ី។
ប្រទេសភូមា
ផ្កាផាឌឹក |
«ផ្កាផាឌឹក» (Pterocarpus Indicus) រីកបញ្ចេញក្លិនក្រអូបស្រាល ជាមួយនឹងពណ៌លឿងដូច មាស។ ជារៀងរាល់ឆ្នាំ បន្ទាប់ពីភ្លៀងកក់ខែនាខែមេសា ផ្កានេះនឹងរីកដើម្បីអបអរពិធីបុណ្យចូលឆ្នាំ របស់ប្រជាជនភូមាផងដែរ។ ផ្កានេះតំណាងឱ្យកម្លាំង ស្ថេរភាព យុវភាព និងសេចក្ដីស្នេហា។ ក្រៅពី មានផ្កាដ៏ស្រស់ស្អាតដើមផាឌឹកក៏អាចយកទៅធ្វើជាគ្រឿងសង្ហារឹមផ្សេងៗផងដែរ។
ប្រទេសហ្វីលីពីន
ម្លិះរួត |
«ផ្កាម្លិះសាំប៉ាហ្គីតាឬម្លិះរួត» (Arabian Jasmine) ទទួលស្គាល់ជាផ្លូវការថាជាផ្កាប្រចាំជាតិរបស់ ប្រទេសហ្វីលីពីននៅឆ្នាំ១៩៣៤។ ផ្កានេះមានពណ៌ស និងមានរាងដូចជាផ្កាយ។ ផ្កានេះរីកនៅពេល យប់ ចោលក្លិនក្រអូបរហូតធ្វើឱ្យប្រជាជនហ្វីលីពីនជឿថាផ្កានេះជានិមិត្តរូបនៃភាពបរិសុទ្ធ សាមញ្ញ ឥទ្ធិពល និងភាពជាមនុស្ស។គេជឿថា ផ្កាម្លិះសាំប៉ាហ្គីតា ត្រូវបាននាំមកពីតំបន់ភ្នំហិម៉ាល័យ មកដល់ប្រទេសហ្វីលីពីននៅអំឡុងសតវត្សទី១៧នៃគ.ស។
ប្រទេសសឹង្ហបុរី
ផ្កាអ័រគីដេ |
«ផ្កាអ័រគីដេ» ដោយចំពោះទៅលើពូជមួយឈ្មោះ Vanda Miss Joaquim។ វាជាពូជបង្កាត់ហើយ ក្រោយមកត្រូវបានគេដាក់ឈ្មោះតាមឈ្មោះអ្នកបង្កាត់វា។ ផ្កាអ័រគីដេ Vanda Miss Joaquim មាន ពណ៌ស្វាយដិត។ អ្វីដែលពិសេសនោះគឺវាអាចរីកបានពេញមួយឆ្នាំឯណោះ!ដោយសារតែលក្ខណៈ ពិសេសមិនធ្លាប់មាននេះ ទើបធ្វើឱ្យវាបានជាប់តំណែងជាផ្កាប្រចាំជាតិរបស់ប្រទេសសឹង្ហបុរីនៅឆ្នាំ ១៩៨១។
ប្រទេសថៃ
ផ្កាលឿងរាជ ឬរាជព្រឹក្ស |
«ផ្ការាជព្រឹក្សឬលឿងរាជ» (Cassia Fistula Linn) មានពណ៌លឿង ដុះជាចង្កោមទម្លាក់ពីលើ មែករាជព្រឹក្សដ៏ខ្ពស់បង្កើតបានជាទស្សនីយភាពដ៏ប្រណិត។ ដើមផ្កានេះត្រូវបានប្រជាជនថៃនិយម ដាំលំអតាមដងផ្លូវ និងតាមសួនច្បារនានា។ ប្រជាពលរដ្ឋថៃចាត់ទុកពណ៌លឿងរបស់ផ្កានេះជា ពណ៌របស់ព្រះពុទ្ធសាសនាដែលជាសាសនារបស់រដ្ឋ។ ផ្កានេះរីកជារៀងរាល់ឆ្នាំ ក្នុងអំឡុងខែកុម្ភៈ ដល់ខែឧសភា។
ប្រទេសវៀតណាម
ផ្កាឈូក |
«ផ្កាឈូក» ជាផ្កាប្រចាំជាតិរបស់ប្រទេសវៀតណាម។ ផ្កាឈូកជាផ្កានៃថ្ងៃថ្មី ដែលអាចឃើញបាន ស្ទើរតែនៅគ្រប់ស្រះ ឬស្ទឹងនៅក្នុងប្រទេសវៀតណាម។ សម្រាប់ប្រជាជនវៀតណាម ផ្កាឈូក តំណាងឱ្យភាពបរិសុទ្ធ ការប្ដេជ្ញាចិត្ត និងទស្សនៈសុទិដ្ឋិនិយមសម្រាប់ពេលអនាគត។ ជាញឹកញាប់ គេតែងតែឮបទចម្រៀងឬកំណាព្យអំពីផ្កាឈូក ដែលតាក់តែងឡើងដោយភាពមោទនៈរបស់កវីអ្នក និពន្ធវៀតណាម៕
No comments:
Post a Comment